資源增值.

一個經歷令我發覺這個真係一個要自我增值的社會!

話說有一晚放工坐72x回家, 見到一架新model的金巴(直立樓梯0個隻), 一上車就坐在下層準備訓覺。點知過左五分鐘, 奇怪的事開始發生...!!!
...
...
...

漸漸發覺車箱有d熱, 車上的乘客開始顯得不耐煩; 終於一個女仕從上層下問車長叔叔發生咩事!?
他們的對話如下:
女: 司機, 點解咁熱? 係咪無開冷氣?
車長: 係咩, 無開咩?
女: 係呀, 無開呀, 熱死人咩! 仲唔check下?
車長: ..........(奇異的事發生 ......)............
女: 咩事?
車長: 我唔識開冷氣! ....(吹0長!!!)

最後, 那位肥叔叔將架巴士停埋一邊, 佢驚無冷氣會"出事", 所以佢決定叫我地轉乘下一架巴士!

呢件事令我領悟到, 今時今的社會, 楂巴士都唔係咁簡單! 唔有牌的巴士司機就可以楂巴士, 可能仲要有電機牌先得!

真係要"增值"才可以生存!

香港寬頻!

我終於返來了, 寬頻壞左成個星期先得閒叫人來整!